Контроверзниот италијански фудбалер Марио Балотели еднаш ја запали сопствената куќа во Манчестер фрлајќи петарди, а се чини дека ништо не научил од тоа, па си играше со петарди и во соблекувалната во Адана.
На социјалните мрежи заврши видео како фрла петарди во соблекувалната на Адана Демирспор, чиј дрес моментално го носи. Некои од соиграчите беа преплашени до смрт по детонацијата, а некои кои знаеја што прави Марио убаво се изнасмеаја.
Балотели некогаш беше еден од најголемите италијански таленти, а уште како дете од Интер го донесе Манчестер Сити. Но, Балотели никогаш не го исполни својот целосен потенцијал во англискиот клуб и се врати од островот со повеќе неуспеси во кариерата отколку одиграни натпревари за Манчестер Сити.
