На српскиот рокер Милиќ Вукашиновиќ пред неколку дена му ја ампутираа ногата, а неговата сопруга Сузана откри дека по отстранувањето на конците ќе добие протеза.
– Го посетија психолози и психијатри. Бевме подготвени за ова, многу разговарав со него, па му дадов голема поддршка. Лекарите рекоа дека е добро. Се помина добро, деновиве ќе правиме мерења за протезата. Штом ќе се отстранат конците, тој ќе оди на рехабилитација. Го посетуваат физиотерапевти, се напредува како што треба. Тој е на интензивна нега. Сега треба да ја зацврсти другата нога на која треба да се потпре, да научи да оди. Им благодариме на лекарите, сите се со него и го бодрат – изјави Сузана за „Блиц“.
По тешката операција, Милиќ даде изјава за медиумите истакнувајќи дека му е отсечена ногата над коленото.
– Се влоши, два месеци трпев страшни болки, пробав се, ни стапалото не мрдаше. Тие болки можат да те натераат да полудиш, а за да не бидам луд, да не можам повеќе да играм и да бидам рокенрол доктор, дојдов да ми ја отсечат ногата… Ова нема да ме убие – изјави рокерот.
