Со музика на Жан-Мишел Жар ќе се затворат Параолимписките игри

Lorita
By Lorita 2 Min Read
Disclosure: This website may contain affiliate links, which means I may earn a commission if you click on the link and make a purchase. I only recommend products or services that I personally use and believe will add value to my readers. Your support is appreciated!
epa11570113 Artists perform during the Opening Ceremony of the Paris 2024 Paralympic Games in Paris, France, 28 August 2024. The Paralympic Games of Paris 2024 will be held from August 28 to September 8 2024. EPA-EFE/Teresa Suarez
- Advertisement -
Ad image

Свеченото затворање на Параолимписките игри, закажано за утре на „Стад де Франс“, ќе биде во форма на голем електро концерт на кој ќе настапат 24 уметници и диџеи, а едночасовниот сет ќе го отвори и затвори францускиот пионер на електронската музика Жан-Мишел Жар (76), соопштија денеска организаторите.

Покрај него ќе настапат и Martin Solveig, Kavinsky, Cassius, Kungs, The Avener, Ofenbach, Polo & Pan, Agoria, DJ Falcon …

– Тоа можете да го замислите како најголемиот ноќен клуб во Франција – им рече на новинарите уметничкиот директор на церемонијата Париз 2024 година, Томас Џоли.

Организаторите рекоа дека сакаат „да ги обединат на забава сите на стадионот и пред ТВ екраните“ и „да ја раскажат приказната за француската електронска музика“.

Во изјава за парискиот весник „Паризиен“, 76-годишниот Жар не го криеше задоволството, велејќи дека е „многу среќен“ што учествува во „прославата на спортот и француската електро музика во сета нејзина различност“.

Како и за време на церемонијата на отворањето на Параолимписките игри, на кои настапија уметници со попреченост и танчари кои користат патерици или инвалидски колички, подиумот ќе биде отворен за сите.

На Параолимписките игри 2024 во Париз учествуваа 4.400 спортисти од 168 земји, меѓу кои и македонската параолимпијка во стрелаштво Оливера Наковска – Бикова.

Фото: EPA-EFE/Teresa Suarez

Share This Article