Снимателот Нелсон Силва, кој изминатиов викенд ги снимил британскиот принц Вилијам и неговата сопруга Кејт Мидлтон во продавница кај Виндзор, вели дека тврдењата оти тоа не била Кејт на видеото, кое го објави за Сан, се смешни, објави Мирор.
– Вработените, кои во тој миг ја препознаа (Кејт), беа возбудени… Таа јасно се гледа покрај Вилијам во ова видео. Ги видов со свои очи. Мислев дека настаните ќе се смират откако ова ќе биде објавено – изјави Нелсон.
Имено, на Интернет кружат разни теории и гласини, на пример дека Кејт е болна на смртна постела, отруена или почината, па дека принцезата не е снимена на споменатото видео, туку нејзина двојничка, и така натаму.
