Снег падна во поголеми делови од Австрија. Силниот студен фронт донесе не само дожд и бурни ветрови, туку и многу снег, дури и во пониските предели. Се очекуваат значителни количества свеж снег, особено на Алпите.
Австрија утрото го пречека под студен фронт кој не само што донесе дожд и снег, туку предизвика и бура, пренесува магазинот Феникс.
Во Форарлберг, Северен Тирол и јужна Корушка има до 50 сантиметри снег. Помали количества снег во петок навечер може да падне и во Виена, Долна Австрија и Градишче.
Ладен шок
Екстремни температури се очекуваат во високите алпски области, особено во Бруненкогел во Тирол (3.400 метри надморска височина).
Според австриските медиуми, температурите се спуштаат и до -19 степени. Сепак, со брзина на ветер од 80 km/h и -10 степени се чувствува како -24 степени. При -18 степени и 40 км/ч се чувствува како -32 степени.
Свеж снег се очекува и од четврток.
Снег и силен ветер
Четврток започна со сонце на многу места, но во Форарлберг се појавија облаци во текот на утрото и брзо се проширија низ земјата. На повисоките места над 500 метри почнува да паѓа снег, додека во пониските места може да има врнежи од дожд или лапавица.
Утринските температури се движат од минус 8 степени (Источен Тирол и Корушка) до плус 5 степени. Највисоката дневна температура од минус 1 до плус 6 степени. Ветерот останува силен, особено во источните делови од земјата.
Сончево и студено
По променлива ноќ, во петок наутро на повеќе места ќе се разведрува. Снег и лапавица може да останат на северниот раб на Алпите. Сонцето се повеќе ќе се покажува и во другите делови на Австрија.
Најниските температури ќе бидат до минус 7 степени, а максималните до плус четири степени.
Во сабота температурите ќе се спуштат до минус девет степени. Метеоролозите очекуваат пораст на температурите од викендот. Највисоката дневна температура во недела би можела да изнесува 12 степени.
