Суела Браверман беше отпуштена од функцијата министер за внатрешни работи на Велика Британија откако ги критикуваше пропалестинските протести. Таа во првата изјава по разрешувањето рече дека е привилегија да се биде министер за внатрешни работи и дека во догледно време ќе има уште да каже.
Премиерот Риши Сунак одлучи да го стори тоа откако Суела Браверман во писмо, меѓу другото, ги критикуваше пропалестинските протести – опишувајќи ги учесниците како толпа. Таа ја обвини и лондонската полиција за двојни стандарди во начинот на кој ги третира пропалестинските собири и контрапротести, пишува Би-Би-Си.
„Најголема привилегија во мојот живот беше да служам како секретар за внатрешни работи“, рече Браверман, додавајќи дека „таа ќе има повеќе да каже во догледно време“.
