Група словенечки туристи забележале необични дамки на нивните тела за време на нивниот престој во камп на хрватскиот остров Муртер. На почетокот некои мислеа дека се работи за бубачки, но докторот на една од жените се сомнева дека причина за непријатноста може да биде песочна мушичка која пренесува лајшманиоза.
Загрижените словенечки туристи од Муртер ги споделија своите искуства со необични каснувања во група на Фејсбук. Според нив, дамките кои се појавиле не само што се шират и отекуваат, туку и страшно горат и неверојатно чешаат, пишува Index.hr.
Еден од членовите на групата рече дека нешто го мачи во изнајмената приколка веќе првиот ден. Отпрвин мислеле дека се работи за бубачки, па постелнината ја измиле темелно, ја третирале со пареа и користеле разни средства за заштита од инсекти. Но, ништо од тоа не помогна бидејќи каснувањата не стивнуваат, туку ги имаше се повеќе, па дамките почнаа да се шират.
Семејството ја посетило болницата каде им препишале антибиотици и антихистамин и купиле крема која требало да помогне.
„Во четвртокот и пишав на докторката, таа беше единствената што рече дека можеби е „песочна мушичка““, напиша таа, но објасни дека работата не е потврдена, дека засега се само шпекулации.
„Го завршивме годишното и се вративме дома“
Слични дамки добиле и еден сосед и уште неколку луѓе во околината. Дури ни репелентите не помогнаа.
Бидејќи ситуацијата била неподнослива, тие предвреме го завршиле одморот.
