Времето денеска ќе биде ведро и многу студено, преку денот сончево со мала локална облачност, најавува УХМР. Ќе дува слаб ветер претежно од северозападен правец.
Утринската температура ќе се симне до минус 12 во Маврово, минус 6 во Скопје, до минус 2 во Гевгелија.
Следува период на стабилно време со ниски утрински температури кои до средината на оваа седмица насекаде ќе бидат негативни, а наместа ќе се спуштат и под -10 степени. Дневните температури ќе бидат во пораст. По одделни котлини ќе има појава на магла или ниска облачност.
