Новак Ѓоковиќ по четврти пат обезбеди олимписко четвртфинале. Српскиот тенисер кој е прв носител на олимпискиот турнир во Париз, со 7-5, 6-3 го совлада 70-от светски играч, Германецот Доминик Кепфер.
Со тоа тој стана првиот играч кој испиша историја со четири четвртфиналиња на ОИ, а воедно стана и најстариот олимписки четвртфиналист.
Сега во мечот за полуфинале ќе игра против својот стар ривал, Стефанос Циципас. Грчкиот тенисер, кој во Париз е во улога на осми носител, победи по 81 минута игра против Аргентинецот Себастијан Баес со 7-5, 6-1.
