Познатиот британски пејач Роби Вилијамс покажа како изгледа откако изгуби значителен број килограми. На новите фотографии тој е речиси непрепознатлив.
Фотографиите се направени додека Вилијамс уживал во слободното време со сопругата и нивните деца.
Роби ослабел во пресрет на излегувањето на неговиот нов албум, тој напоменал дека дебелината во неговиот случај е предизвикана од тоа што не може умерено да јаде одреден вид намирница, како што е шеќерот.
„Ослабев, но тоа е постојана борба. Во мене има џиновска личност. Целото мое битие и целото мое тело сакаат да одам во спротивна насока и да бидам морбидно дебел. Во моментов само јадам помалку. Тоа е постојано вознемирување и не е природен начин на живот. За мене е нормално да сум двојно поголем“, рекол Вилијамс, пишува „Мирор“, додека претходно за „Сан“ истакна дека не успеал да го исфрли брашното од исхраната.
Пејачот порачакл и дека тоа што сега е во добра форма го должи и на својата работа. Нагласил и дека за него нема средина, или е покрупен или послаб.
„Се мразев себеси и мислев дека не можам да пеам и изгледав како г…о. Ако некој мислеше дека шетам наоколу мислејќи дека сум важен, всушност беше сосема поинаку“, порачал Вилијамс.
ФОТО: Инстаграм
