Пред неколку месеци се појави приказна дека Двејн Џонсон, попознат како „Карпата“, уринирал во шишиња на снимањето на „Red One“ за да заштеди време.
Исто така, неименуван извор тврдел дека актерот доцнел и по осум часа на снимање.
Филмот требало да излезе во 2023 година, но е одложен за ноември 2024 година, според извештајот на „Врап“, поради зачестените доцнења на Двејн. Бидејќи често доцнел, актерот се обидел да го надомести изгубеното време со тоа што не го користел тоалетот, туку уринирал во шишиња.
„На снимањето, далеку од неговата приколка, ако треба да уринира, не оди во тоалет. Тој уринира во шише и неговиот тим се ослободува од тоа“, рекол изворот.
Сега, неколку месеци по таа приказна, „Карпата“ откри што од горенаведеното е вистина.
Зборувајќи за магазинот „ЏејКју“ за неговата необична навика за уринирање, тој призна: „Да, тоа се случува“. На извештаите за доцнењето, тој рекол: „Да, и тоа се случува“. Меѓутоа, тој тврди дека никогаш не доцнел осум часа.
„Но, не толку. Тоа е лудо. Смешно“, рекол тој.
Режисерот на „Red One“, Џејк Касдан потврди дека „Карпата“ доцнел на снимањата, но никогаш не пропуштил ниту еден работен ден.
„Тој понекогаш доцнеше, но тоа е Холивуд – тоа е случај со сите“, рекол Џејк.
Ова не е првпат да се споменува методот на уринирање на актерот. Во 2021 година, во интервју за „Есквајр“ пред објавувањето на филмот „Red Notice“, Џонсон призна дека уринира во шишиња за време на долгите тренинзи бидејќи теретаните во кои оди немаат тоалети.
„Обично останувам мошне хидриран. Морам многу да одам во тоалет. Не многу, но веројатно неколкупати за време на тренингот морам да одам во тоалет. Затоа го правам тоа во шише“, рекол тој.
