Според пишувањата на хрватските медиуми, Европското обвинителство (ЕППО) ги обвинува Хрвоје Петрач, неговите синови Новица и Никола и сопственикот на компанијата Медикал иновејшн солушнс, Саша Поздер и шефот на Регионалната канцеларија на ХЗЗО од Крапина, Томо Павиќ, за поткупување на високо позиционирани лекари и на самиот министер, па во болниците да ги пласираат нивните роботски микроскопи и роботски оперативни системи по грубо надуени цени, дури и до 200 проценти.
Така, ЕЈО тврди дека во организација на Петрач и Поздер, а користејќи го Павиќ, кој е и член на управните совети на три здравствени установи, контактирале со директорите и раководителите на клиниките на сите поголеми болници во Хрватска, нудејќи им награди при купување на нивните уреди.
Според досега собраните докази, тие успеале во три болници, во Детската болница во Клаиќева во Загреб со помош на сега осомничениот директор Горан Роиќ, во КБЦ Сестрите на милоста со помош на началникот на Одделот за неврохирургија Крешимир Ротим, а во КБЦ Осиек со помош засега непознати лица.
Истражителите тврдат дека со соодветна сума поткуп им овозможиле споменатите апарати кои ги платиле за набавка од 120.000 до 130.000 евра, да ги продаваат на болници по цена повисока од 350.000 евра без ДДВ. Со ова Медицинската компанија заработила околу 620.000 евра, а незаконската добивка таа фирма делумно ја пренела на друга фирма во сопственост на членови на семејството Петрач.
Со оглед на тоа дека не им било доволно само болниците да ги приспособат техничките спецификации на нивниот апарат, бидејќи за финансирање беше потребно одобрение од Министерството за здравство, тие се погрижија и болниците да добијат такви одобренија. ЕПЈО тврди дека министерот Берош примил поткуп од 25.000 евра за секој потпис, вкупно 75.000 евра за три болници.
