Дуелот помеѓу Реал Мадрид и Барселона во Ла Лига е закажан за овој викенд.
Па, како што често се случува кога е во прашање најголемиот натпревар во Шпанија, една порака на социјалните мрежи уште еднаш ги зовре односите меѓу овие два клуба.
Портпаролот на Барселона, Микел Кампс го навреди фудбалерот на Реал, Винисиус Жуниор и го нарече „кловн кој заслужува шлаканица“.
Соопштението го збуни претседателот на Мадрид, Флорентино Перез, кој веднаш најави дека нема да дојде на стадионот Монжуик да го гледа Ел Класико во живо.
Барселона не се огради од објавувањето на својот член, кој во меѓувреме ги избриша.
Натпреварот помеѓу Барселона и Реал Мадрид се игра во сабота од 16:15 часот.
