Полициски службеници на Државната агенција за истрага и заштита денеска како продолжение на оперативната акција „Поттикнување“ извршија претрес во службените простории на Министерството за комунална економија, инфраструктура, просторно планирање, градежништво и заштита на животната средина на кантонот Сараево.
Наведените активности се вршат поради постоење основи на сомнение дека се сторени кривичните дела „Злоупотреба на положба или овластување“ и „Перење пари“ пропишани со Кривичниот законик на Федерацијата Босна и Херцеговина.
Претресите се вршат по наредба на Кантоналниот суд во Сараево и под надзор на Кантоналното обвинителство на кантонот Сараево и во соработка со полициските службеници на Министерството за внатрешни работи на кантонот Сараево.
Имајќи предвид дека активностите се во тек, за конечниот исход јавноста подоцна ќе биде информирана.
