Амал Клуни заедно со Мишел Обама и Мелинда Гејтс, гостувала на панел во Њујорк, каде адвокатката за човекови права признала дека нејзините петгодишни близнаци Ела и Александер се многу инспирирани од нејзината работа.
Амал (44) признала дека иако нејзините деца, кои ги има со 61-годишниот Џорџ Клуни, не се баш „во тек со актуелните настани“, нејзиниот син често запишува што прави таа на работа. Тој добро и внимателно слуша, па и не е чудно што дал свое видување за моменталната ситуација и руската инвазија на Украина.
Како што открила Амал Аламудин, малиот Александер со својот цртеж кратко ѝ јасно објаснил сè.
„Мојот син нацрта слика на која има затвор и потоа ми рече: ‘Путин треба да биде таму’“, открила Амал и потоа додала дека таа во моментот води некои случаи поврзани со Украина, па не е чудно што петгодишникот знае што се случува таму.
Таа потоа рекла дека токму Ела и Александер се нејзините најголеми двигатели кога станува збор за фондацијата, но и додала дека е само прашање на време кога нејзините деца всушност ќе почнат да разбираат што се случува во светот.
Поради сето тоа, Амал се надева дека секогаш на сè ќе може да им го даде вистинскиот одговор.
Џорџ и Амал Клуни се венчаа во 2014 година, а близанците ги добијаво јуни 2017 година.
