Синдикалните организации на ЈСП „Скопје“ најавија упад на вонредната седница на Советот на Град Скопје каде што ќе се расправа токму за нивните плати, но доколку не се исплатат денеска утре најавија дека повторно нема да возат.
– Се договоривме како ќе дејствуваме, прво ќе извршиме упад на Седницата на Градот, а доколку на нашите сметки денеска не легне платата за септември утре наутро во 4:30 часот со своите семејства ќе дојдеме на протест пред ЈСП и автобусите нема да сообраќаат. Сите сме гладни и не можеме да ги извршуваме своите обврски. Нашиот револт е кон политичките партии и нивните препукувања, но се надеваме дека ќе седнат и ќе решат – истакна Миќо Стојановски, Претседателот на Синдикатот на работниците на сообраќајот и врските.
Тој потенцира дека во иднина доколку на 15-ти во месецот не добијат плата на нивните сметки следниот ден автобусите на јавното претпријатие нема да сообраќаат.
