Земјотрес со јачина од 5,7 степени според Рихтеровата скала го погоди северозападниот дел на Иран, а државната телевизија и медицинските власти објавија дека најмалку 276 лица се повредени.
Епицентарот бил во близина на градот Хови во провинцијата Западен Азербејџан.
Локалната медицинска служба соопшти дека „досега се повредени 276 лица, од кои 68 се хоспитализирани поради помали скршеници“.
Земјотресот се случил на 11,6 километри од Хови, на длабочина од десет километри, соопшти Американскиот геолошки институт.
Германскиот истражувачки центар за геофизика соопшти дека е измерена магнитуда од 5,5 степени недалеку од тројната граница на Ерменија, Азербејџан и Иран.
