Како и на Олимписките игри во Токио, олимписките учесници во Париз имаат на располагање кревети направени од картонски кутии, наречени и „антисекс кревети“. Но, шведските ракометарки немаа проблем со самите кревети, тешко им беше од душеците, пишува Кронен цајтунг.
– Душеците се тврди. Сосема се нови, па потребно е време за да омекнат. Но, веднаш ни треба добар сон – изјави ракометарката Јамина Робертс.
Воведниот натпревар против Норвешка е веќе закажан за четврток.
Со цел да се наспие добро претходно, тимот едноставно си купи замена од ИКЕА.
– Треба да бидете ориентирани кон решенија и да го правите она што е најдобро за вас – вели Робертс.
Дали помеките подлоги ќе донесат успех? Одговорот на ова ќе се добие за време на скандинавскиот дуел.
