Швајцарскиот часовник кој српскиот тениски ас Новак Ѓоковиќ го носи на својата рака вреди 24.100 долари и ни оддалеку не е најскапиот модел, ниту од својата марка, ниту меѓу часовниците кои ги носат други светски познати тенисери. Елегантниот „Hublot Big Bang Meca 10 ceramic“ кој Новак го имаше на зглобовите на пресконференција во Белград го привлече вниманието на десетина новинари, пишуваат српските медиуми.
Но, спореден со часовникот „Ричард Мил“ вреден 725.000 долари кој го носеше Рафаел Надал, соперникот на Ѓоковиќ, или пак со 18 милиони долари вредниот часовник „Jacob & Co. Billionaire Watch“ на Флојд Мејведер кој беше украсен со дијаманти, она што го носеше Ѓоковиќ изгледа прилично евтино.
Часовникот на Ѓоковиќ е од фирма со која тој има спонзорски договор, а обично го става на своите зглобови по натпреварите. Тој има вакви договори со повеќе компании, а некои од нив го напуштија поради контроверзиите кои настанаа во врска со вакцината за време на пандемијата со ковид-19 и фијаското што се случи во Австралија.
