Швајцарската национална банка (SNB) во понеделникот потврди дека ја завршила 2022 година со загуба од 132,5 милијарди швајцарски франци (141,54 милијарди долари) поради падот на пазарите на акции и обврзници во услови на зголемување на каматните стапки.
Ова е најголема загуба во нејзината 115-годишна историја, шест пати поголема од претходниот рекорд забележан во 2015 година, кој изнесуваше 23 милијарди франци. Во 2021 година, SNB оствари профит од 26 милијарди франци.
По земање предвид на дистрибутивната резерва, нето загубата беше 39,5 милијарди франци.Во изминатата година, глобалните берзи ослабеа, а цените на обврзниците паднаа бидејќи централните банки ширум светот, вклучително и SNB, ги зголемија каматните стапки за да ја ограничат високата инфлација.
Меѓу негативните влијанија на SNB, силниот франк се искачи над паритетот со еврото во јули, а неговото зајакнување резултираше со загуби поврзани со флуктуациите на девизниот курс.
Најголем дел од минатогодишната загуба се припишува на загуба од 131,5 милијарди франци во девизни позиции. SNB забележа загуба и на портфолиото на обврзници, од 72 милијарди франци, и на портфолиото на капитал од 41 милијарда франци.
СНБ ќе објави ажуриран извештај за монетарната политика на 23 март, објавија тие, одбивајќи да коментираат како загубата може да влијае на нејзината монетарна политика во иднина.
Поради минатогодишната загуба, нема да уплаќа пари во државниот и кантоналниот буџет, ниту да плаќа дивиденди на инвеститорите, по втор пат од основањето во 1907 година.
Минатата година, за споредба, платија шест милијарди франци врз основа на резултатите од претходната година.
