Пожар бил пријавен во раните утрински часови на територија на Национален парк Галичица, кај местото викано Царина од преспанска страна. Пожарот е локализиран од страна на вработените во НП Галичица, Противпожарна единица-Ресен, МВР-Ресен, граничната полиција и локални доброволци, информира јавната установа.
„Локализираниот пожар ќе се набљудува и понатаму од страна на чуварите на паркот и навремено ќе известуваме за состојбата на истиот. Голема благодарност до Противпожарна единица-Ресен, МВР-Ресен, Граничната полиција и локалните доброволци за брзата реакција“ – се вели во известувањето на јавното претпријатие НП „Галичица“.
