Штрајкот на германските машиновозачи се шири и во товарниот сообраќај, а одлучено е тој да трае три дена, пренесува Дојче веле.
Штрајкот ќе има последици за бизнисите, логистиката, пристаништата и потрошувачите.
Синдикатот на германските машиновозачи одлучи од вторник навечер, покрај штрајкот на патниците, во штрајкот да биде вклучен и товарниот сообраќај.
Ова не само што ќе влијае на германските железници, туку и на многу компании во Германија кои ги испорачуваат своите суровини или стоки со товарни возови.
Дополнително, последиците ќе ги почувствуваат и соседните земји, бидејќи 60 отсто од вкупниот товарен сообраќај на Германските железници се транспортира низ Европа.
Шест од вкупно 11 европски железнички коридори за транспорт на стоки минуваат низ Германија, соопшти Министерството за дигитални прашања и транспорт.
