По срцев удар потребно е да се внимава на исхраната (внес на масти, концентрирани шеќери, сол), да се регулира телесната тежина и крвниот притисок, редовно да се спроведува физичка активност (пешачење, џогирање, возење велосипед, пливање) и да се престане со пушење.
Всушност, од сите споменати мерки, најголем ефект во спречување на појава на нов кардиоваскуларен настан е откажувањето од пушење.
Што се случува кога човек ќе престане да пуши?
Кога се зборува за мотивите и начините да се откажете од пушењето, бројни студии покажале дека има краткорочни и долгорочни ефекти од откажувањето од пушење.
Тутунот е штетен, пред сѐ, за респираторниот тракт и кардиоваскуларниот систем. Затоа треба да им помогнеме на пушачите да сфатат дека секогаш кога ќе се откажат од овој порок, тие сигурно прават многу за своето здравје, велат докторите.
Истражувањата покажале дека само 20 минути по откажувањето од пушењето, резултатите од крвниот притисок се подобри, како и отчукувањата на срцето. Циркулацијата на нозете и рацете е подобра.
12 часа подоцна, нивото на јаглерод моноксид во крвта се намалува и снабдувањето со кислород се подобрува.
2 недели до 3 месеци подоцна, капацитетот на белите дробови почнува да се подобрува, ризикот од срцев удар се намалува, циркулацијата се подобрува и функцијата на белите дробови се зголемува.
1 месец до 9 месеци подоцна, надразнувачката кашлица се намалува, проблемите со дишењето стануваат поблаги.
12 месеци подоцна, ризикот од развој на коронарна болест е преполовен
5 до 15 години подоцна, ризикот од срцев удар е значително помал, се намалува за 50 проценти, споредливо со ризикот на непушачите.
10 години подоцна, ризикот од смрт од рак на белите дробови е половина од оној на пушачите, ризикот од развој на разни видови на рак е значително намален (усната шуплина, грлото, хранопроводникот, бубрезите, мочниот меур и панкреасот)
15 години подоцна, ризикот од развој на коронарна срцева болест се намалува на исто ниво како и кај непушачите.
Како да се ослободите од желбата за цигара?
Треба да се трудите да го одложите моментот на пушење колку што може. Ова треба да биде почеток кога пушачот ќе сфати дека сè уште може да го контролира порокот. Поставен е како личен предизвик и секој ден треба да си поставите уште подолг временски период на отпор на моментот кога ќе „запалите“ цигара. Длабокото дишење помага затоа што опушта – земајќи 10 длабоки вдишувања и потоа издишување помага да се намали нагонот за пушење. Многу течности, особено вода, може да ги заменат цигарите. Одвлечете го вашето внимание од желбата со некои активности кои ќе ви го одвлечат вниманието, како што се добра книга, прошетка, филм, музика, пливање, туширање.
Со текот на времето, пушењето убива околу половина од корисниците
Познато е дека пушењето е важен фактор на ризик за развој на рак на белите дробови и многу други видови на рак, за појава на респираторни и кардиоваскуларни заболувања, како и за прерана смрт.
Откажувањето од пушење е најважната мерка за зачувување на здравјето, но и за подобрување на здравствената состојба на многу хронични пациенти.
Статистиката покажува дека многумина би сакале да се откажат од овој порок. За да успеат, на зависниците од тутун им е потребна помош за надминување на физичките и психолошките компоненти на зависноста од никотин на ниво на секоја земја. Истражувањата покажале дека дури двојно повеќе зависници успеваат да се ослободат од цигарите доколку има различни мерки, како програми за одвикнување или супституциона терапија, кои би биле покриени со задолжително здравствено осигурување.
Обичните и електронските цигари се подеднакво лоши за здравјето
Поради поинтензивното законодавство во контролата на тутунот, на глобално ниво, од 2.000-тата година, тутунската индустрија најде замена за традиционалните цигари.
На пазарот веќе неколку децении има електронски цигари кои се базираат на загревање на течното полнење, а во поново време се зголемува популарноста на уредите од новата генерација чија технологија се базира на загревање на тутунот (наместо согорувањето кај обичните цигари). Бројот на корисници на овие уреди постојано се зголемува, а атрактивниот дизајн на „новите“ цигари е особено опасен за младите.
Пораката што се испраќа е дека овие уреди се „без чад“ и со тоа „побезбедни за здравјето“, иако е познато дека и тие ги ослободуваат истите штетни материи како традиционалните цигари и се многу опасни. Бројот на корисници се зголемува, а сè уште нема валидни научни докази дека овие таканаречени уреди „без чад“ се побезбедни за здравјето. Периодот од нивното појавување е премногу краток за да се тврди ова со сигурност.
