Медот е веројатно една од најздравите намирници со кои треба да го започнете денот.
Медот е лесно сварлива храна која ја враќа силата и ја зајакнува психата. Помага при побрзо зараснување на рани, болести на цревата и желудникот, како и покачена телесна температура.
Многу луѓе го започнуваат денот со земање една лажица мед, кој традиционалната медицина го опишува како алтернативен лек за различни здравствени состојби.
Прочитајте подолу какви придобивки му носи медот на вашето тело.
Го ублажува проблемот со синусите
Антибактериски и антисептички својства кои се природно присутни во медот, ги отстрануваат инфекциите и го намалуваат воспалението на синусите.
Медот го смирува и грлото, ја намалува кашлицата и го зајакнува имунолошкиот систем.
Обезбедува енергија
Природниот, непреработен шеќер што го содржи медот директно влегува во крвотокот и може да обезбеди брз излив на енергија.
Вашето вежбање во теретана ќе има голема корист од ова брзо засилување на енергијата, особено ако правите долги вежби за издржливост.
Помалку стрес
Медот помага да се смират нервите и да се ублажи заморот, кои се резултат на брзиот начин на живот. Гликозата содржана во медот е неопходна за работата на невроните. Брзо се апсорбира во крвта, што придонесува за релаксација и ублажување на симптомите на анксиозност.
Полн е со антиоксиданси
Колку е медот потемен, толку повеќе антиоксиданси содржи, природни соединенија кои помагаат во обновувањето на оштетените клетки, што може да го зголеми ризикот од срцеви заболувања или рак.
Доволна дневна доза е две до три лажички мед доколку консумирате и доволно овошје и зеленчук.
Обезбедува квалитетен сон
Имате проблеми со спиењето? Топол пијалок со мед и млеко треба да се пие непосредно пред спиење.
Неколку лажички мед во млеко или чај долго време се користат за да се поттикне спиењето.
Го зајакнува срцето
Истражувањата покажуваат дека антиоксидансите содржани во медот можат да го спречат стеснувањето на артериите. Во зависност од локацијата, стеснувањето може да доведе до срцева слабост, губење на меморијата или главоболки.
