Најчесто на бананите, но често и на другите парчиња овошје, налепниците на кората се нешто што повеќето луѓе не го ни гледаат, туку инстинктивно го отстрануваат пред јадење. И да ги забележат, ретко кој знае што значат овие декларации.
Сепак, тие не се таму без причина, објаснуваат експертите. Покрај можното име на производителот, декларацијата треба да содржи и бројка што открива важни информации за начинот на одгледување на овошјето. Декларациите првенствено се однесуваат на овошје увезено од странство, а ова е значењето на тие бројки:
Налепница со четири броја
Во случајот со ова овошје, кое има декларација со четири броеви кои започнуваат со бројот 3 или 4, тоа значи дека се одгледувало со вештачки ѓубрива, односно според земјоделските правила кои важат во последните 50 години. Таков лимон, на пример, е означен со 4033, додека бананите се нумерирани со 4011.
Налепница со пет броеви
Ако овошјето нема четири броеви на него, туку пет – од кои првиот број е 9, тоа покажува дека плодот е од органско потекло. Таквата декларација е гаранција за одгледување без ѓубрива и пестициди. На пример, органски одгледаните банани го носат бројот 94011.
Првиот број на декларацијата е 8
Ова е можеби најважната декларација и претставува овошје кое е генетски модифицирано, а се препознава по пет броја, од кои првиот секогаш е ознаката 8. На пример, на таквите банани е означен бројот 84011, пишува 24sata. ч.
