Претстојниот натпревар меѓу Барселона и Алмерија, в сабота во рамки на 13. коло во Ла Лига, ќе биде последен во кариерата на легендарниот дефанзивец на каталонскиот гигант Жерар Пике (35).
Своето неочекувано збогување со професионалниот фудбал, 35-годишниот Пике го најави во видеопорака на социјалните мрежи.
– Време е да ви кажам дека дојде крај на патувањето – порача Пике во видеото на Твитер.
– Саботниот натпревар ќе ми биде последен на Камп Ноу, а после Барселона нема да играм за ниту еден друг клуб. Ќе станам уште еден навивач и ќе се обидам да му ја пренесам на мојот син љубовта кон Барселона – објави Пике.
Пике е роден во Барселона, израснал во младинска школа „Ла Масија“ и иако „дипломирал“ во Манчестер Јунајтед и таму ја започнал својата сениорска кариера (2004-2008), сепак сите свои соништа ги остварил во дресот на Барса и шпанската репрезентација за која настапуваше до 2018 година. На стадионот Камп Ноу за многумина беше дел од најдобриот тим во историјата, а со Меси, Чави, Иниеста и тимот освои три ЛШ, а донесе и осум титули првенствени титули во Шпанија, како и три светски. клупски шампионски титули.
Кога станува збор за репрезентацијата, во 2010 година стана светски првак во Јужна Африка, а две години подоцна ги спои титулите и стана европски првак со репрезентацијата. Во тој период беше прогласен за најдобар дефанзивец во Шпанија, каде јавноста активно ги следеше деталите за неговиот распаднат брак со популарната пејачка Шакира.
