Откако минатото лето беше фотографиран во прегратките на 19 години помладата украинска актерка Олга Короткова, Шон Пен сега е фотографиран како ужива на плажа со 24 години помладата актерка Натали Келеј.
Холивудскиот актер Шон Пен (63) и 39-годишната австралиска актерка прошетале покрај плажата во Мами, а во еден момент биле снимени како се држат за рака.
Актерот официјално не го објави крајот на врската со Олга Короткова, со која беше виден во ноември на аеродромот во Ница.
Браковите на Шон Пен
Приватниот живот на Шон Пен е во центарот на медиумскиот интерес по обелоденувањето на неговата врска со поп пејачката Мадона. Двојката се запозна на снимањето на спотот на Мадона за песната Material Girl и се венчаа во август 1985 година. Од самиот почеток бракот беше проследен со многу скандали и пресметки на Пен со новинарите, а поради еден од овие напади тој помина 32 дена во државниот затвор во Лос Анџелес.
Бракот заврши во 1989 година по неколку таблоидни стории за тоа дека Пен физички ја малтретира Мадона.
Веќе следната година ја запознал својата втора сопруга, актерката Робин Рајт, со која има две деца, ќерката Дилан Френсис и синот Хопер Џеко. Првите години од нивниот заеднички живот беа многу бурни, обележани со многу расправии и помирувања, најмногу поради импулсивниот карактер на Шон и проблемот со алкохолот. По пожарот во 1993 година во кој изгоре нивната семејна куќа, Пен извесен период живеел во приколка на неговиот имот и во овој период парот бил на работ на дефинитивна разделба, а медиумите шпекулираат за врската на актерот со манекенот. Ел Мекферсон.
Сепак, парот се венчал во 1996 година, откако Шон дефинитивно престанал да пие, а во наредниот период заедно се појавуваат во серија филмови. Двојката се разведе во 2010 година.
Третата среќа ја побарал со 32 години помладата австралиска актерка Лејла Џорж. Тие се венчаа во 2020 година, а актерката поднесе барање за развод по една година брак.
