Германскиот канцелар Олаф Шолц изјави дека во интерес на таа земја и на Европа е преостанатите земји од Балканот да влезат во Европската унија (ЕУ).
Зборувајќи пред германскиот парламент во пресрет на самитот во Брисел, Шолц го поздрави зголемениот ангажман во проширувањето на Западен Балкан во последните месеци, како и одлуката за доделување кандидатски статус на Босна и Херцеговина.
„Во наш интерес, на Германија и на Европа, е остатокот од Балканот да стане дел од Европската унија“, рече тој пред пратениците во Берлин.
Солц, исто така, ја пофали одлуката да и се дозволи на Хрватска да се приклучи на Шенген и додаде дека таа наскоро треба да биде одобрена за Бугарија и Романија, но тоа беше блокирано од Австрија.
