„Резултатите на АфД во Саксонија и Тирингија се загрижувачки“.
Вака изјави германскиот канцелар Олаф Шолц за Ројтерс по вчерашните избори во покраините во Источна Германија. Тој ги повика популарните партии да формираат покраински влади без „крајнодесничарските екстремисти“ откако Алтернатива за Германија (АфД) оствари голема победа на регионалните избори во Тирингија и Саксонија викендов.
Тој објасни дека зборувал како претставник на своите централно-левичарски Социјалдемократи (СПД).
– Нашата земја не може и не смее да се навикне на ова. АфД ѝ штети на Германија. Ја ослабува економијата, го дели општеството и го уништува угледот на нашата земја.
На една година до националните избори во Германија, резултатите од неделата ја казнија коалицијата на Шолц.
Сите три владејачки партии загубија гласови, а само неговата СПД го премина прагот од 5 отсто потребен за да остане во парламентите на двете сојузни држави.
– Резултатите од изборите во неделата се горчливи и за нас – рече Шолц.
Сепак, тој истакна дека пострашните предвидувања, дека СПД може да испадне по прв пат од државниот парламент, не се остварија.
