Шест лица се повредени во египетскиот туристички град Таба, кој се наоѓа во близина на границата со Израел, откако рано утринава проектил погодил здравствена установа, јави египетската телевизија Ал Кахера.
Според Ал Кахера, проектилот што ја погодил Таба е поврзан со борбите во Појасот Газа, кој се наоѓа на околу 220 километри, каде што израелските сили се подготвуваат за копнена инвазија, но не е познато која од завојуваните страни го истрелал проектилот.
Израелската армија соопшти дека знаела за безбедносен инцидент во египетско одморалиште на Црвеното Море во близина на границата.
