Германската министерка за надворешни работи Аналена Баербок денеска пристигна во Украина и таа е највисокиот претставник на германската влада што ја посети земјата од почетокот на руската инвазија на 24 февруари.
Нејзината прва станица е во градот Буча во близина на Киев.
Руските сили се обвинети дека извршиле воени злосторства таму.
Москва, која постојано негираше дека нападнала цивили во војната во Украина, вели дека тврдењата дека нејзините сили егзекутирале цивили во Буча додека го окупирале градот се „монструозен фалсификат“ за оцрнување на руската војска.
Меѓународните обвинители започнаа истраги за овие злосторства.
