Претседателот на компанијата која го разви софтверот за вештачка интелигенција за ChatGPT Сем Алтман денеска (вторник) на сослушување пред Конгресот на САД рече дека владината интервенција е од клучно значење за да се ублажат ризиците од создавање сè помоќни системи со вештачка интелигенција од следната генерација.
– Како што напредува оваа технологија, сфаќаме дека луѓето се загрижени за тоа како таа би можела да им ги промени животите. Ние сме, исто така, загрижени – рече Алтман, пренесе Асошиејтед прес.
За време на својот говор, покрај потенцијалните опасности, тој изјави дека „вештачката интелигенција има потенцијал да најде лек за рак“, пренесе Би-би-си.
– Работиме на изградба на алатки кои еден ден може да ни помогнат да направиме нови откритија и да се справиме со некои од најголемите предизвици во светот како климатските промени и лекувањето на ракот – рече Алтман.
ChatGPT брзо стана глобален успех од неговото лансирање во ноември, при што ривалските компании, вклучително и Google, се натпреваруваат за објавување на сопствени верзии на чат-ботови со вештачка интелигенција.
Милиони корисници ја користат оваа алатка за да пишуваат или компонираат песни за нив, да компонираат текстови од секаков вид, од писма, рецепти до маркетинг стратегии за рекламирање и училишни и студентски задачи и семинари.
ChatGPT има пристап до огромна база податоци на онлајн текстови, од прирачници за корисници до учебници и дигитализирани книги.
Сепак, овој софтвер за вештачка интелигенција овозможува мамење на домашните задачи, а неговото појавување предизвика загриженост во училишниот систем, зашто ја зголемуваат можноста на поновите генерации на оваа алатка да ги измамат, да шират невистини и да ја прекршуваат заштитата на авторските права.
Иако нема непосредни сигнали дека Конгресот ќе донесе нови правила за вештачка интелигенција, како што тоа го прават европските законодавци, поради загриженоста во јавноста беше повикан Алтман во Белата куќа.
Демократскиот сенатор Ричард Блументал, кој претседава со поткомитетот за приватност, технологија и закон на Комитетот за правосудство на Сенатот, го отвори сослушувањето со емитување на снимен говор направен од ChatGPT кој го клонира гласот на сенаторот.
– Што ако поддржев теза дела Украина треба да се предаде на рускиот претседател Владимир Путин – праша Блументал, објаснувајќи дека клонираниот глас на функционер може да се користи на разни начини.
Главниот службеник за приватност и доверба Кристина Монтгомери во своето обраќање побара од Конгресот да заземе став дека е неопходна прецизна регулатива за ВИ.
– Тоа значи воспоставување правила за регулирање на примената на вештачката интелигенција во конкретни случаи на употреба, наместо да се регулира самата технологија – рече таа.
Почесниот професор Гери Маркус пред почетокот на распитот истакна дека човештвото создало машини кои се како „слонови во продавница за порцелан“ и дека никој не може да гарантира дека се безбедни, пренесува Би-Би-Си.
– Бевме премногу бавни да реагираме кога се појавија социјалните платформи, а одлуките што ќе ги донесеме сега ќе имаат трајни последици – рече Маркус.
