More

    Шахот ќе биде изборен предмет во новата учебна година, за децата од прво и од второ одделение

    spot_img

    Шахот ќе биде изборен предмет во новата учебна година, за децата од прво и од второ одделение. Од Шаховската федерација на Македонија велат дека нивната програма била прифатена од Бирото за развој на образованието.

    „Неколку години се обидувавме да го воведеме шахот како изборен предмет, по примерот на неколку други земји, како Полска и Англија. Оваа година наидовме на позитивен пристап од страна на Министерството за образование и министерот Јетон Шаќири, па така почна целата иницијатива. Шахот има многу придобивки. Децата кои го изучуваат шахот од рани години имаат зголемена концентрација, подобро логичко размислување, подобри се во решавањето проблеми, анализа и слично“, велат од федерацијата.

    Програмата за шах во училишта е изработена во соработка со интернационалниот мајстор Орце Данчевски, кој ги држи часовите по шах во основното училиште „Јахја Кемал“, каде што веќе десетина години шахот е задолжителен предмет за учениците од прво, второ и трето одделение.

    „Наставата ќе ја спроведуваат наставници кои се веќе вработени во училиштата, а ќе бидат обучени од шаховски тренери. Во Македонија има дваесетина лица кои имаат лиценца за тренер од Меѓународната шаховска федерација (ФИДЕ). Сличен пример за воведување на шахот во школите има во Полска и оттаму ги презедовме искуствата. И таму биле обучувани одделенски наставници да го држат часот по шах и проектот се покажа како голем успех“, додаваат од ШФМ.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img