Северна Кореја не остана покусо и со 180 свои авиони кренати во воздуот одговори на 80 авиони на Јужна Кореја кои претходно полетаа поради 80 проектили кои Ким Јонг Ун ги истрела утринава. Авионите од двете страни засега не ја преминале границата меѓу двете земји, јавува Ројтерс.
Авионите на Јужна Кореја од другата страна на полуостровот, вклучуваат и стелт-ловци Ф-35А. Сепак, бројките од 80 и 180 се помали од бројката од 250 авиони кои пред неколку дена учествуваа во заедничката вежба на САД и на Јужна Кореја под името „Бура на готовс“.
Лет од 10 севернокорејски воени авиони направи слични маневри минатиот месец, што ја натера Јужна Кореја да се бори со авиони.
Во текот на вчерашниот ден Северна Кореја испука и една интерконтинентална ракета кон Јапонија, но тестот беше неуспешен и ракетата не прелета над воздушниот простор на јапонските острови туку се упати кон Тихиот Океан. Радарите ја изгубиле ракетата од видик во воздухот, што укажува дека можеби се случил некаков дефект во ракетата.
Висок официјален претставник на американската администрација во четвртокот изјави дека иако САД од мај рекоа дека Северна Кореја се подготвува да продолжи со нуклеарно тестирање за прв пат од 2017 година, не е јасно кога би можела да изврши таков тест.
Соединетите Држави веруваат дека Кина и Русија имаат моќ да ја убедат Северна Кореја да не продолжи со тестирање нуклеарни бомби, изјавил анонимен претставник за Ројтерс.
Дипломатите изјавиле дека Вашингтон побарал од Советот за безбедност на ОН јавно да се состане за Северна Кореја во петок, барање поддржано од другите членки на Советот, Велика Британија, Франција, Албанија, Ирска и од Норвешка.
Во последниве години, 15-члениот совет беше поделен околу тоа како да се справи со Северна Кореја, а во мај, Кина и Русија ставија вето на притисокот предводен од САД да се воведат повеќе санкции како одговор на ракетните лансирања на Пјонгјанг.
