Северна Кореја, една од најзатворените земји во светот, денеска ги покани странските голфери да учествуваат на аматерски турнир во Пјонгјанг за да „развијат пријателски врски“ со своите севернокорејски колеги.
Земјата си воведе многу строги ограничувања од почетокот на 2020 година во борбата против корона вирусот, но се зголемуваат знаците дека севернокорејските власти може да ги олабават граничните контроли. Така, поканата за странски голфери оди во оваа насока.
Голфот во главниот град на Северна Кореја е домаќин на „натпревар за играчи аматери во пролет и есен, а можат да учествуваат и странски аматери“, се наведува на веб-страницата на Управата за туризам во Пјонгјанг.
Има уште еден знак за отвореноста на Северна Кореја. Пекинг во јули потврди дека Северна Кореја се пријавила за Азиските игри, кои во септември ќе се одржат во Кина.
