Германскиот енергетски оператор Е.ОН, одби да го затвори за работа гасоводот „Северен тек“, предвидено со пакетот санкции кон Русија донесен по воената инвазија на војската на оваа земја на Украина.
„Северен тек“ е заеднички проект на рускиот Гаспром и германската компанија Винтершел, а помали акционери се фирми од Франција и Холандија.
– Се работи за одобрен гасовод, кој работи со полна пареа – објавија од Е.ОН во врска со „Северен тек“.
Германската влада по избивањето на војната во Украина, ја запре сертификацијата на „Северен тек 2“, кој веќе со месеци чека на дозволата за работа.
Претходно од Москва предупредија дека затворањето на руските гасоводи кои водат кон Европа, ќе предизвикаат дуплирање на цената на гасот.
