„Опенхајмер“ во режија на Кристофер Нолан триумфираше на синоќешното доделување на наградите на Американската академија за филмски уметности и науки, освојувајќи дури седум престижни награди.
За љубителите на филмот ова не е изненадување, бидејќи приказната за „таткото на атомската бомба“ со месеци важи за фаворит, а покрај главната, доби и Оскар за најдобра режија (Нолан). најдобра главна улога Килијан Марфи, најдобра споредна машка улога, монтажа, кинематографија, фотографија и најдобра авторска музика.
За Нолан, овој голем успех доаѓа по неколкугодишно разочарување од доделувањето на престижните награди, бидејќи досега седум пати беше номиниран за филмови меѓу кои „Данкерк“, „Почеток“ и „Мементо“, но најголем шок и незадоволство на обожавателите на овој режисер предизвика еден од неговите најголеми хитови – „Црниот витез“ – што не освои ниту номинација во главната категорија.
Острите реакции предизвикаа Академијата да го зголеми бројот на номинации за главната награда од пет на десет од следната сезона.
Конечно освојувајќи ја престижната статуетка, Нолан, кој е голем поборник за враќање на публиката во кината, и оддаде почит на историјата на кинематографијата.
Овогодинешните Оскари не донесоа многу изненадувања, а 22-годишната Били Ајлиш стана најмладата двојна оскаровка во историјата, добивајќи ја наградата за баладата од филмот „Барби“ „За што се направив?“. Килијан Марфи беше прогласен за најдобар актер, Ема Стоун доби Оскар за најдобра актерка, Роберт Дауни помладиот и Да’Вин Џој Рендолф добија соодветно најдобра споредна машка и најдобра споредна женска улога, „Американска фикција“, сатира за раса и уметност, освои најдобро адаптирано сценарио, додека „Анатомија на падот“ победи за најдобро адаптирано сценарио.
