До крајот на годината се очекува поскапување на различните прехранбени производи, а американското Министерство за земјоделство во својата прогноза наведе за која храна станува збор.
Според Стејт департментот на САД, цените на храната во февруари 2022 година биле за 7,9% повисоки отколку во февруари 2021 година, а како примарна причина за зголемувањето на цените се наведува конфликтот во Украина.
Што ќе поскапи?
Поради пореметувања во синџирот на снабдување, но и климатските промени, подолу е листа на храна која би можела да поскапи до крајот на годината.
Масти и масла – Се очекува мастите и маслата да поскапат за 6 до 7%.
Свежо овошје – Се очекува поскапување од 5 до 6%.
Свеж зеленчук – Се очекува зголемување од 1 до 2%.
Преработено овошје и зеленчук – Се очекува зголемување од 4,5 до 5,5%.
Шеќер и слатки – Се очекува поскапување од 3 до 4%.
Житарици и пекарски производи – Се очекува зголемување од 3 до 4%.
Безалкохолни пијалоци – Се очекува поскапување од 3,5 до 4,5%.
Војна и климатски промени
Според Business Insider, една од главните причини за растот на цените е војната во Украина. Руската инвазија на Украина предизвика недостиг на ѓубрива, го наруши земјоделството ширум светот и доведе до пораст на цените.
