Се трага по лице кое вчера влегло во водата на езерото кај браната Глажња, меѓутоа не излегло од неа, соопшти Центарот за управување со кризи (ЦУК) од Куманово.
Според ЦУК, се работи за Ф.Р. од село Никуштак, на возраст од околу 30 години.
Нуркачки екипи на Министерството за внатрешни работи вчера го пребарувале вештачкото езеро Глажња во Липково, но не успеале да го пронајдат телото.
Потрагата ќе продолжи и денеска, а ноќва акумулацијата била надгледувана од полицајци на ПС Матејче.
