Интензивната активност на вулканот Попокатепетл, во централно Мексико, ја загрижува мексиканската влада, а локалните власти издадоа предупредување поради континуираната емисија на пепел и водена пареа од кратерот и препорачаа жителите на Мексико Сити да носат маски. Владата објави жолт аларм поради вулканска активност.
Исто така, се препорачува луѓето да останат дома и да избегнуваат директен контакт со вулканска пепел.
Националниот центар за превенција од катастрофи извести дека опасноста сè уште постои и дека селото најблиску до вулканот е евакуирано.
Меѓународниот аеродром во Мексико Сити соопшти дека авиокомпаниите откажале 22 домашни и меѓународни летови за да извршат безбедносни проверки откако авионите беа погодени од пепел од вулканот Попокатепетл на пат кон мексиканската престолнина.
Попокатепетл е на околу 70 километри од Мексико Сити.
