Во Општата болница во Копривница лани се евидентирани дури 11 случаи на зараза со стафилокока уреус, супербактерија отпорна на антибиотици.
Една година претходно имало десет случаи, а во 2021 година на само еден болнички пациент му била дијагностицирана златна стафилокока, односно бактерија МРСА, известуваат од Институтот за јавно здравје Копривница, пишува Даница.хр.
Кај двајца пациенти е пронајден мултиотпорен Acinetobacter baumanii, а двајца исто така биле позитивни на особено опасната бактерија Klebsiella pneumoniae отпорна на карбапанем. Од Институтот велат дека со текот на времето се повеќе бактерии стануваат отпорни на антибиотици.
Од болницата во Копривница одговараат дека „болничките инфекции не можат целосно да се избегнат, а продолжената употреба на антибиотици доведува до развој на мултирезистентни соеви на бактерии“.
Но, уверуваат дека бројот на пациенти заболени од болнички инфекции се намалува со континуирана обука на вработените и формирање на тим кој се залага за рационализирање на употребата на антибиотици.
Нема податоци колку пациенти починале поради инфекција со супербактерии, бидејќи исходот од лекувањето повеќе зависи од тежината на основната болест и коморбидитетите, а помалку од инфекцијата со супербактерии, заклучуваат од болницата Копривница.
