Познатиот шпански дефанзивец и легендарен капитен на Реал Мадрид Серхио Рамос е на вратата на Галатасарај.
Клубот од Истанбул во вторник ги израдува навивачите со нова победа над Олимпија и пласман во баражот за Лигата на шампионите, а во среда треба да пристигне сензационално засилување.
Турските медиуми пренесуваат дека Серхио Рамос ја прифатил понудата на Галатасарај од 5,5 милиони евра за една година. Односно, се најавува дека 37-годишниот шпански дефанзивец во среда треба да потпише договор на 1+1 година.
Откако помина 16 сезони во Реал Мадрид и освои 22 трофеи, Серхио Рамос последните две години ги помина како член на Пари Сен Жермен, со кој освои две шампионски титули во Франција.
