Некогаш контроверзната актерка Линдзи Лохан по бројните испади, денес живее мирен живот.
Имено, актерката вчера објави дека се омажила за финансиерот Бадер Шамас.
Триесет и шест годишната актерка која вчера го прослави роденденот објави фотографија со Шамас, а во описот на сликата го нарече сопруг.
„Јас сум најсреќната жена на светот. Ме најде и знаеше дека сакам да најдам среќа и благодат, сето тоа во исто време. Многу сум среќна што си мој сопруг“, напиша Линдзи на Инстаграм, по што коментарите со честитки се нижат.
„Мојот живот и моето сѐ. Секоја жена треба да се чувствува вака секој ден“, ја завршила својата објава Лохан.
Инаку, Линдзи и Бадер ја објавија свршувачката во ноември.
„Мојата љубов. Мојот живот. Моето семејство. Мојата иднина“, напишала тогаш Лохан во објавата.
ФОТО: Инстаграм
