Откако сите релевантни медиуми ја објавија веста дека познатиот агент Мино Раиола починал, се огласија од неговата агенција. Адвокатот на Раиола и негова десна рака Хосе Фортес изјави за јавност дека Мино се наоѓа во многу тешка ситуација, но не е мртов.
– Тој е во многу тешка состојба, но не е мртов – изјави Фортес, а истото го потврди и портпаролот на неговата менаџерска агенција.
На почетокот на годинава, во јануари беше објавено дека Рајола е итно хоспитализиран во Милано, но гласините подоцна беа демантирани од неговото опкружување: „Мино беше на рутински медицински преглед со помош на анестезија. Ова е рутинска проверка, немаше итна интервенција“.
Се шпекулира дека Рајола имал проблеми со белите дробови.
