Претседателот на Советот на министри на Босна и Херцеговина, Зоран Тегелтија, побара од претседателството на земјата да го разгледа предлогот и да даде согласност за пристапување кон иницијативата Отворен Балкан,
Тегелтија ќе учествува на самитот во Охрид во улога на набљудувач, а своето барање до претседателството тој го испрати пред самото тргнување на пат. Тој смета дека е време неговата земјата да се приклучи кон иницијативата, за граѓаните на БиХ да не останат единствените кои се изоставени од Отворен Балкан.
Во улога на наблудувач во Охрид ќе допатува и премиерот на Црна Гора, Дритан Абазовиќ, кој во неколку наврати претходно изрази спремност за приклучување кон иницијативата.
