Партијата за демократска акција смета дека не смее да се доведе во прашање функционирањето на јавните медиумски сервиси и постоењето на вработени во БХРТ и ФТВ. Оттаму го поканија раководството на БХРТ да го потпише договорот за распределба на приходите собрани преку Електропривреда БиХ според принципите што важеа до сега, соопштуваат од партијата.
Тие бараат од Министерството за врски и транспорт на Босна и Херцеговина да создаде трајно решение кое ќе обезбеди непречено функционирање на јавниот медиумски сервис и со кое ќе се избегнат евентуални идни недоразбирања.
– Се додека Министерството не подготви предлог за трајно решение, сметаме дека е неопходно Федералниот парламент да обезбеди средства во буџетот на Федерацијата Босна и Херцеговина за да обезбеди финансиска поддршка за функционирањето на јавните служби и вработените. Клубот на СДА во Претставничкиот дом на Парламентот на ФБиХ ќе предложи од буџетот да се издвојат средства за таа намена – соопштија од СДА.
