Познатата македонска пејачка Сара Мејс пред безмалку еден месец откри дека е бремена по вторпат. Пејачката тогаш преку својот инстаграм-профил, со објава од ултразвук од бебето објави дека е бремена.
Сара и нејзиниот сопруг, водителот и маркетинг-менаџер Димитар Атанасовски, по вторпат ќе станат родители.
„Бебе број 2“, (Ако ги броиме и Атос и Бела со @dimitaratanasovski_ , а треба, е тогаш број 4 е“, напиша тогаш Сара покрај објавата од ултразвукот.
Среќните родители вчера преку видео на Инстаграм го објавија и полот на бебето.
Имено, Сара, Димитар и нивната ќеркичка Илина отворија кутија во која се наоѓаа сини балони. Сите тројца со восклик ја споделија убавата вест.
Сара и Димитар веќе имаат една ќерка која има три години и се вика Илина.
