Кијану Ривс е познат и како „доброто момче на Холивуд“, а филмот „Брзина“ од 1994 година го вивна на топ-листата на славните личности.
Филмот заработи два Оскара и му го отвори патот за главните улоги во хит филмовите, како што е франшизата „Матрикс“.
Кијану Ривс е можеби најпознат по улогата на Нео во легендарната франшиза „Матрикс“, а интересно е што тој доби улога во филмот откако Вил Смит ја одбил. Тој бил платен 10 милиони долари однапред, а со оглед на изненадувачкиот успех на филмот, заработил дополнителни 35 милиони долари за првиот дел.
Ривс заработил уште најмалку 120 милиони долари со вториот и третиот филм од франшизата, надминувајќи 200 милиони долари, додека за филмот „Матрикс: Воскресение“ однапред добил меѓу 12 и 14 милиони долари.
Поради успехот во филмската индустрија и соработките со различни брендови во текот на неговата кариера, неговата проценета нето вредност изнесува 380 милиони долари.
