Руските вооружени сили доцна синоќа гранатираа станбен блок во Харков, вториот по големина град во Украина, при што беа повредени најмалку 12 лица, а останатите жители беа принудени да се евакуираат, изјави градоначалникот Игор Терехов.
Харков, кој се наоѓа на околу 30 километри од руската граница, е честа цел на руски напади откако силите на Кремљ ја започнаа својата инвазија врз Украина во февруари 2022 година.
Терехов на социјалната мрежа Телеграм напиша дека руските сили употребиле наведувана бомба и дека спасувачките екипи моментално се на терен. Тој додаде дека 60 жители на блокот се евакуирани.
Според локалните медиуми, бомбата паднала пред еден од влезовите на блокот и неколку автомобили во близина се запалиле.
Регионалниот гувернер Олег Синегубов изјави дека едно од повредените во нападот е дете. Тој додаде дека имало 2 удара во Харков, како и уште еден во југоисточниот град Изум каде што биле запалени 2 куќи.
