Руските сили претходниот ден ги нападнаа речиси сите сектори на фронтот, а забележани се 155 судири, соопшти утрово Генералштабот на вооружените сили на Украина.
Украинските специјални сили, кои пријавија дека се повлекуваат од неколку позиции на северот на регионот Харков, објавија видео од борбите и објавија дополнителни детали.
На правецот Харков, руските сили, со поддршка на авијацијата, извршија 12 напади во областа Стрелечја, Красноје, Мороховец, Олејниково, Лукјанци, Гатише, Плетенјовка, Пиљна, Волчанск и Бугруватка, пренесуваат украинските медиуми.
Киев претходно објави дека руските сили во петокот наутро се обиделе да ја пробијат одбранбената линија на украинската армија во областа Харков и дека во тој сектор на фронтот биле испратени резервни единици за зајакнување на одбраната.
